Sapnon Ki Barsaat...

Sapne toh hum sabhi dekhte hain. Sapne... kuch ache, kuch bure. Kuch sapne hamare dilon ko chu jaate hain, toh kuch jinse hum khud door bhagte hain... Kuch sapne hum bar-bar dekhte hain, par unke pure hone ki chaah, kai baar ek chaah hi reh jaati hai...
Aisa hi ek sapna maine bhi dekha, aur usme dekhi sapno ki barsaat..



Wo maddham si barsaat,
wo bheegi bheegi raat,
yaad hai aaj bhi mujhe,
hamari pehli mulakaat…


Wo sama hi kuch aur tha,
madmast anokha dour tha,
aankhon mein doobi thi aankhen,
siva tumhare na koi aur tha…


Wo jannat sa haseen chehra,
zulfein wo teri resham si,
nazaron mein chamakta wo kaajal,
gaalon ki mehek sheesham si...


Chaahat thi meri bas itni,
ki hota rahe deedar tera,
aaye na ab kab judaai tujhse,
saath rahe har pal saath tera...



Us raat se lekar aaj tak,
Lamhe beete, arse beete,
Teri yaad mein, tanhayi mein hum,
hanskar apne aasun peete...


Is dil ko na kabhi samjha sake,
Sach nahi, sirf tha wo sapna,
paas ho kar bhi lagta tha door,
pal mein paraya, pal mein apna…



Har raat ab teri yaad mein,
karte bas wahi ek baat,
aa jaye fir tu samne,
ho jaye fir wahi sapno ki barsaat.
ho jaye fir wahi sapno ki barsaat..
ho jaye fir wahi sapno ki barsaat...